Ճամբարակ-Աղբերք ավտոճանապարհի 1-ին կմ-ի մոտակայքում, այսօր՝ հոկտեմբերի 22-ին, գազատար խողովակից տեղի է ունեցել արտահոսք՝ հրդեհի բռնկմամբ:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:

Պարզվել է, որ գազի արտահոսքից բռնկվել է նաեւ հարակից խոտածածկույթը (մոտ 15 քմ):

Հրդեհը մեկուսացվել է ժամը 13.30-ին, մարվել՝ 13.50-ին:

Հրշեջ-փրկարարներն իրականացրել են հերթապահություն` մինչ գազատար խողովակի վթարավերականգնողական աշխատանքների ավարտը: