Հյուսիսային Կարոլինայի Բելմոնտ քաղաքում գողը կողոպուտի անհաջող փորձից հետո դիրքավորվել է CVS ցանցի դեղատանը։ Ոստիկանությունը նրա հետ հեռախոսային բանակցություններ է վարում։ Իրավապահները վախենում են, որ նա կարող է ինքնասպան լինել։

Սկզբում տղամարդը երեք մարդու պատանդ էր վերցրել, որոնք իր հետ գտնվել էին ներսում։  Նրանք բոլորը դեղատան աշխատողներ են։ Սակայն ավելի ուշ՝ ոստիկանության ժամանումից հետո, հանցագործը նրանց բաց է թողել։ Պատանդներից ոչ ոք չի տուժել, հայտնում է  CBS հեռուստաալիքը։

Գողը զինված է հրացանով, հայտնում է lenta.ru-ն։

Դեպքի վայր են ժամանել ոստիկանության  սպաներ, որոնցից երկուսը ներս են մտել, սակայն հնչած կրակոցներից  հետո ստիպված են եղել լքել շենքը։