Լոռիի մարզի Սպիտակ-Գյումրի ավտոճանապարհին, այսօր՝ նոյեմբերի 1-ի գիշերը, տեղի է ունեցել ավտովթար. անհրաժեշտ է փրկարարների օգնությունը:

Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:

Պարզվել է, որ Սպիտակ-Գյումրի ավտոճանապարհի 5-րդ կմ-ում  «Ֆոլքսվագեն-Ջետտա» մակնիշի 18 US 412 համարանիշի ավտոմեքենան դուրս է եկել երթեւեկելի հատվածից եւ ընկել ձորը:  Մինչ հրշեջ-փրկարարների դեպքի վայր հասնելը մեկ տուժած տեղափոխվել է Սպիտակ քաղաքի հիվանդանոց:

Հրշեջ-փրկարարները ավտոմեքենայից դուրս են բերել վարորդին եւ երկու ուղեւորներին, ովքեր տեղափոխվել են Սպիտակ քաղաքի ԲԿ: