նախընտրելի դարձնել
Երեւանի Այգեստան 11-րդ փողոցի 3-րդ նրբանցքի թիվ 7-րդ տանը, այսօր՝ նոյեմբերի 1-ի գիշերը հրդեհ է բռնկվել:
Հայաստանի ԱԻՆ փրկարար ծառայությունից հայտնում են, որ դեպքի վայր են մեկնել 4 մարտական հաշվարկ, ավտոսանդուղք եւ արտակարգ իրավիճակների արձագանքման խումբը:
Դեպքի մասին տեղեկացվել են «1-03», «1-04» ծառայությունների, էլ. ցանցի հերթապահները:
Կանչը բարձրացվել է հրդեհի բարդության «Բիս-1» աստիճանի:
Հրդեհը մեկուսացվել է ժամը 04.20-ին, մարվել 04.36-ին: Ամբողջությամբ այրվել է տան 3-րդ հարկն իր գույքով (250 քմ)՝ բացառությամբ 2 ննջասենյակի, որտեղ այրվել են միայն առաստաղները:
Դեպքի վայրում են գտնվել ոստիկանության եւ շտապօգնության աշխատակիցները:
