նախընտրելի դարձնելՀայաստանի դեղագործական շուկան շատ թափանցիկ է եւ ազատ, հոկտեմբերի 7-ին լրագրողներին հայտնել է Հայաստանում դեղերի արտադրողների եւ ներկրողների միության նախագահ Սամվել Զաքարյանը: Ըստ նրա՝ շուկայի շրջանառության նկատմամբ տուփերի դրոշմակնիքների տեսքով հավելյալ վերահսկողության կարիք չկա, ինչը արվելու է հոկտեմբերի 31-ից սկսած:
«Աշխարհի ոչ մի երկրում նման պրակտիկա չկա: Կառավարությունում մեզ ասացին, որ կա Ուկրաինայում: Սակայն դա չի համապատասխանում իրականությանը: Սա հերթական փորձն է, որը հակասում է եվրոպական արժեքներին, որոնցով մենք վաղուց աշխատում ենք», - հայտարարել է Զաքարյանը:
Նա նշել է, որ վերջին մի քանի տարիներին հարկային մարմինների աշխատակիցները ոչ մի լուրջ խախտում չեն հայտնաբերել դեղագործական ապրանքներ արտադրողների մոտ, չնայած որ մի շարք դեպքերում ստուգումներ են արվել ամիսներ շարունակ: «Տեսուչները ստուգել են ձեռնարկություններում հումքի եւ պատրաստի արտադրանքի բոլոր ապրանքագրերը: Ամեն ինչ մաքուր է եղել: Այդ պատճառով էլ հարկայինը շատ լավ գիտի, որ մեր հատվածը ստվերային չէ», - հավելել է Զաքարյանը:
