նախընտրելի դարձնելAmnesty International-ը հոկտեմբերի 7-ին՝ Աննա Պոլիտկովսկայայի մահվան 8-րդ տարելիցի կապակցությամբ հիշատակի ակցիա է անցկացրել, հայտնում է «Նովայա գազետան», որի թղթակիցն էր Պոլիտկովսկայան:
Ռուսաստանցի եւ օտարերկրացի լրագրողները, նշում է թերթը, ծաղկեփունջ-օրիգամիներ են բերում թերթերի էջերով փաթեթավորած, իրավապաշտպանները՝ իրենց կայքերի գլխավոր էջերի տպված էջերից:
Աղբյուրը նշում է, որ ակցիան ռուսական իշխանություններին կոչ է անում վերականգնել արդարությունը Աննա Պոլիտկովսկայայի գործում:
Հիշեցնենք, որ Մոսկվայի քաղաքային դատարանը 2014թ. հունիսին Աննա Պոլիւտկովսկայայի սպանության կազմակերպիչ Լոմ-Ալի Գայտուկայեւին եւ մարդասպան Ռուստամ Մահմուդովին դատապարտել է ցմահ ազատազրկման:
«Նովայա գազետայի» լրագրող Աննա Պոլիտկովսկայային սպանել էին իր տան վերելակում՝ 2006 թ. հոկտեմբերին:
