նախընտրելի դարձնելԹուրք ձկնաբույծները անբարեխիղճ մրցակցություն են կիրառում ռուսական շուկայում: Այդ մասին հոկտեմբերի 8-ին լրագրողների հետ հանդիպման ժամանակ հայտարարել է Հայաստանի ձկնաբույծների միության նախագահ Արթուր Աթոյանը: Նա նշել է, որ թուրք արտադրողների իրավիճակն ի սկզբանե շահավետ է. նախ, ձկան կերն էժան է ծովով տեղափոխելու շնորհիվ, իսկ պետությունը մի շարք արտոնություններ է տրամադրում: Նշենք, որ Հայաստանտ 2013թ.-ին մոտ 2000 տոննա ձուկ է արտահանել, իսկ Թուրքիան՝ 102 հազար:
«Լավ կլիներ, եթե մենք հետեւեինք մեր թուրք գործընկերների օրինակին, որպեսզի պետությունը վերացնի սպառման ծանրաբեռնվածությունը: Սա կայուն կդարձներ տնտեսական տատանումներից»,- նշել է Աթոյանը:
Այնուամենայնիվ, հավելել է նա, թուրք արտադրողները չարաշահում են իրենց առավելությունները: «Ավելի քիչ, քան մեկ տարի առաջ մեր արտադրողներից մեկը նկատեց, որ այնտեղ թուրքական ձուկը հայկականի անվան ներքո են ներկայացնում: Մի քանի անգամ տեսնելով սա՝ նա զգուշացրեց իրացրողին, որ դատական գործընթաց կսկսի նրա դեմ: Միայն այն ժամանակ նման դեպքերը դադարեցին»,- հայտարարել է Աթոյանը:
