Ստեփանավանում հոկտեմբերի 5-ին երկու անձի՝ Ա.Կռոյանիեւ Ռ. Մանուկյանի դանակահարության դեպքի առթիվ հարուցված քրեական գործի նախաքննությամբ ձեռք բերված ապացույցների հիման վրա որպես մեղադրյալ է ներգրավվել առերեւույթ հանցագործություն կատարած անձը։

ՀՀ Քննչական կոմիտեի տեղեկատվության եւ Հասարակայնության հետ կապերի բաժնից հայտնում են, թե վերջինիս մեղադրանք է առաջադրվել՝ ՀՀ քրեական օրենսգրքի 112-րդ հոդվածի 1-ին մասի եւ 113-րդ հոդվածի 1-ին մասի հատկանիշներով։

Լոռու մարզի ընդհանուր իրավասության դատարանը բավարարել է գործով քննիչի միջնորդությունը, եւառերեւույթ հանցագործություն կատարած անձի նկատմամբ որպես խափան մանմիջոց է կիրառվել կալանավորումը՝ երկու ամիս ժամանակով։

2014 թվականի հոկտեմբերի 5-ին` ժամը 22:20-ին, «Ստեփանավան ԲԿ» ՓԲ ընկերությունից ոստիկանության Ստեփանավանի բաժին ահազանգ է ստացվել, որ դանակի հարվածից ստացած մարմնական վնասվածքով բուժօգնության են դիմել Ստեփանավանի բնակիչներ՝Վ.Կռոյանը եւ Ռ. Մանուկյանը:

Վ.Կռոյանի մոտ ախտորոշվել է գոտկային շրջանի կտրած, չթափանցող վերք աջից, իսկ Ռ.Մանուկյանի մոտ` կրծքավանդակի ձախ կեսի ծակած-կտրած թափանցող վերք` արտաքին արյունահոսությամբ:

Դեպքի առթիվ ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում հարուցվել է քրեական գործ, կատարվում է նախաքննություն։