նախընտրելի դարձնելԱլեքսանդր Լուկաշենկոն օրենք է ստորագրել ԵՏՄ պայմանագիրը վավերացնելու մասին, գրում է Եժենեդելնիկը՝ վկայակոչելով նախագահի աշխատակազմի ղեկավար Անդրեյ Կոբյակովին:
Ըստ աղբյուրի՝ վավերացված օրենքում ամբողջությամբ արտահայտված է դեռեւս Աստանայում 2014 թ. մայիսի 29-ին երկրի նախագահի կողմից արված հայտարարությունը: Այն ժամանակ Լուկաշենկոն խոստացել էր, որ Բելառուսը բարեխղճորեն կկատարի իր պարտականությունները՝ պայմանագրի շրջանակներում:
Թերթը նշում է, որ այն ժամանակ նախագահը ասել էր, որ պայմանագիրը կստորագրի միայն այն պայմանով, եթե վերացվեն գոյություն ունեցող պատնեշները, սահմանափակումները եւ բացառությունները:
«Չնայած, պատնեշները, սահմանափակումները եւ բացառությունները հաջողվել է վերացնել, սակայն ոչ բոլորը», - գրում է թերթը: Կողմերը պայմանավորվել են, որ մինչեւ 2025 թ. արդեն միության գործունեությունում պահպանվելու են որոշ՝ նախապես համաձայնեցված սահմանափակումներ:
