նախընտրելի դարձնելՊերմի քննիչները պարզում են պարտապանին եւ նրա ընկերոջը դաժան ծեծի ենթարկելու հանգամանքները: Վերջինս ստացված վնասվածքներից մահացել էր, գրում է NEWSru-ն:
Զոհը Պերմի 28-ամյա բնակիչ Նիկիտա Պալյանովն է, որը հոկտեմբերի 4-ին հիվանդանոցում մահացել է: Նրան այնտեղ տեղափոխել էին բազմաթիվ վնասվածքներով՝ այն բանից հետո, երբ համաձայնել էր ընկերոջ հետ հաշիվներ պարզելու գնալ:
Հանցագործության մեջ կասկածվում է վարկային կազմակերպության աշխատակիցը, որից ողջ մնացած երիտասարդը պարտքով 1000 ռուբլի էր վերցրել:
24-ամյա տուժած Անդրեյ Չերնիխի խոսքով՝ մեկ տարի առաջ ինքը 1000 ռուբլի վարկ է վերցրել «DamDеньги» ընկերությունից: Չվճարելու հետեւանքով գումարը հնգապատկվել է: Ըստ ընկերության ներկայացուցիչների, իրենց զանգերին Չերնիխը պատասխանում էր. «Փող չկա, ձեռք քաշեք ինձանից»:
«DamDеньги»-ի աշխատակիցները հաշիվ պարզելու են կանչել Անդրեյին, վերջինս էլ ընկերոջ հետ է գնացել:
Նշվում է, որ ծեծին մասնակցել են «DamDеньги» եւ «Բիստրոդենգի» ընկերությունների աշխատակիցներ, որոնք Չերնիխից 300 հազար ռուբլի էին պահանջել: Կալանավորվել է միայն մեկ մարդ, որը «DamDеньги»-ի աշխատակից է:
