նախընտրելի դարձնելԱրցախի Հանրապետության նախագահ Բակո Սահակյանը հոկտեմբերի 10-ին երկրի բարձրաստիճան պաշտոնյաների ուղեկցությամբ այցելել է Գյուղատնտեսության աշխատողի օրվա կապակցությամբ Ստեփանակերտ քաղաքում կազմակերպված տոնավաճառ:
ԼՂՀ նախագահի մամուլի գրասենյակից հայտնում են, որ Բակո Սահակյանը գոհունակությամբ նշել է, որ նման տոնավաճառներն արդեն դարձել են ավանդական եւ նոր մշակույթ են ձեւավորում գյուղատնտեսական արտադրանքի ներկայացման ոլորտում:
Միջոցառմանը մասնակցում էին Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, Ազգային ժողովի նախագահ Աշոտ Ղուլյանը, վարչապետ Արա Հարությունյանը, պաշտոնատար այլ անձինք:
Բացի այդ, Գյուղատնտեսության աշխատողի օրվա կապակցությամբ Բակո Սահակյանը ստորագրել է հրամանագիր, համաձայն որի`աշխատանքում ձեռք բերած արդյունքների համար ոլորտի մի խումբ ներկայացուցիչներ պարգեւատրվել են «Երախտագիտություն» մեդալով:
