նախընտրելի դարձնել«Իսլամական պետություն» խմբակցության գրոհայինները ինտերնետում տեղադրել են բրիտանացի պատանդ Ջոն Քենթլիի հոդվածը, որում նա իր կառավարությանը խնդրում է բանակցություններ վարել իրեն ազատելու առնչությամբ, գրում է NEWSru-ն:
Աղբյուրը նշում է, որ ԻՊ Dabiq ամսագրում հրապարակված հոդվածի հետ տեղադրվել է նաեւ գերի լրագրողի լուսանկարը` նարնջագույն հագուստով, որով գրոհայինները պահել էին նախկինում իրենց կողմից մահապատժի ենթարկած ամերիկացի լրագրողներին:
«Այժմ, եթե որեւէ բան կտրուկ եւ արագ չփոխվի, ես իմ հերթին եմ սպասում», - մեջբերում է թերթը բրիտանացու նամակից հատված:
Քենթլիի անունից գրված հոդվածում նշվում է, որ «իր դժբախտության ընկերները» սպանվել են այն բանից հետո, երբ ԱՄՆ եւ Մեծ Բրիտանիայի իշխանությունները չեն ցանկացել քննարկել իրենց ազատվելու պայմանները:
Աղբյուրը հիշեցնում է, որ գրոհայինները արդեն տեղադրել են Քենթլիի երեք տեսաուղերձ:
Ավելի վաղ ԻՊ գրոհայինները հրապարակել էին ամերիկացի լրագրողներ Ֆոուլիի եւ Սոթլոֆի մահապատիժները, որոնք պատանդ էին վերցվել Սիրիայում` 2012 եւ 2013թթ.:
