նախընտրելի դարձնելՆորվեգիայի խորհրդարանը հոկտեմբերի 14-ին կանանց համար պարտադիր զինծառայության մասին օրենք է ընդունել, հայտնում է ՏԱՍՍ-ը՝ վկայակոչելով թագավորության ՊՆ-ի տարածած հայտարարությունը:
Աղբյուրը հիշեցնում է, որ օրենքն ուժի մեջ կմտնի 2015 թ. հունվարի 1-ից, իսկ առաջին աղջիկ նորակոչիկները Նորվեգիայի բանակի շարքերը կհամալրեն 2016թ. ամռանը:
Այսպիսով, Նորվեգիան, նշում է աղբյուրը, դարձել է Եվրոպայի առաջին պետությունը եւ ՆԱՏՕ-ի առաջին անդամը, որն այդ քայլին է դիմել: «Սա պատմական որոշում է: Նորվեգիան տվյալ բնագավառի առաջամարտիկներից է, եւ մենք հպարտանալու բոլոր առիթներն ունենք», - երկրի պաշտպանության նախարարի խոսքերն է մեջբերում գործակալությունը:
Նորվեգիայում զորակոչի ենթակա են 18 տարեկանը լրացած աղջիկները:
Աղբյուրը նշում է, որ նորվեգացի կանայք հաճույքով ինքնակամ ծառայում են բանակում: Այս տարի ծառայության մեկնած 8 հազար հոգու 12,5%-ը աղջիկներ են: Նորվեգիայի ԶՈՒ շարքերում ծառայության ժամկետը նորակոչիկների համար 19 ամիս է, սակայն իրականում չի գերազանցում 12 ամիսը:
