Հայաստանի վարչապետ Հովիկ Աբրահամյանը շնորհավորական ուղերձ է հղել Ամենայն Հայոց կաթողիկոս Գարեգին Բ-ին՝ գահակալության 15-րդ տարեդարձի առթիվ:

Ուղերձում ասվում է.

«Վեհափա՛ռ Տեր,

Հայաստանի Հանրապետության կառավարության եւ անձամբ իմ անունից ջերմորեն շնորհավորում եմ Ձեզ գահակալության 15-րդ տարեդարձի առթիվ:

Մենք բարձր ենք գնահատում Հայ Առաքելական Եկեղեցու եւ անձամբ Ձեր ավանդը մեր ժողովրդի ազգային ինքնագիտակցության պահպանման,  Հայաստան-Արցախ-Սփյուռք եռամիասնության, պետություն-եկեղեցի կապերի ամրապնդման գործում:

Ձեր գործունեությունն այս 15 տարիների ընթացքում նպատակաուղղված է եղել ավանդական քրիստոնեական արժեքների սերմանմանը եւ քրիստոնեական ընկալումների ամրապնդմանը մեր ժողովրդի առօրյա կյանքում: Դուք դա կատարել եւ շարունակում եք կատարել անմնացորդ նվիրումով եւ Ձեզ բնորոշ հատուկ նախանձախնդրությամբ:

Կրկին շնորհավորելով Ձեզ տարեդարձի առթիվ՝ մաղթում եմ քաջառողջություն, արեւշատություն եւ Ձեր բոլոր նվիրական իղձերի իրականացում՝ ի բարօրություն հայ ժողովրդի եւ ի  շահ Հայ Առաքելական Սուրբ Եկեղեցու»: