նախընտրելի դարձնելՓոխարժեքի տատանումների ժամանակ դոլարի ողջ պահանջարկը բավարարելն անհնար էր, NEWS.am-ի թղթակցի հետ զրույցում ասաց «ACBA Credit Agricole Bank» ՓԲԸ-ի գործադիր տնօրեն Հակոբ Անդրեասյանը: Նա նշեց, որ ողջ պահանջարկն անհնար էր բավարարել միայն այն պատճառով, որ այն խուճապի վերաճեց: Այստեղ բանկը չէր կարող միջոցներ չձեռնարկել՝ հնարավոր սպեկուլյատիվ գործարքները կանխելու համար:
«Յուրաքանչյուր հաճախորդի եւ նրա պահանջների ստուգման հստակ ընթացակարգեր նախատեսված չեն, սակայն ընդհանուր բնույթի կանոններ գործում էին: Մենք պետք է հասկանայինք, թե որքանով է հիմնավորված արժույթի փոխանակումը: Բնականաբար, մենք չէինք կարող բավարարել դոլարի այդքան կտրուկ բարձրացած պահանջարկը: Նույնիսկ բանը նրան հասավ, որ 100 կամ 200 հազար դրամ ունեցողները փողերը բերում էին եւ դոլարի վերածում՝ հուսալով վաճառել, երբ այն թանկանա», - նշեց Անդրեասյանը:
Միեւնույն ժամանակ, ըստ նրա, չի կարելի չխոստովանել. անհանգստության համար կային նաեւ արդարացի պատճառներ, սակայն բանկերը՝ Հայաստանում կամ այլ երկրում, պետք նման դեպքերում կանխեն սպեկուլյատիվ տրամադրությունները:
