նախընտրելի դարձնելԻսրայելի գլխավոր դատախազությունը երաշխավորել է անձնագրում սեռը փոխելը՝ առանց նախապես վիրահատության կատարման:
Այս հարցի կարգավորմամբ կզբաղվի Առողջապահության նախարարությանը կից կոմիտեն, որի պարտականություններից սեռի փոփոխման թույլտվություն տրամադրելը: Այսուհետ այն կզբաղվի նաեւ սեռի ոչ վիրահատական փոփոխման համար չափորոշիչների սահմանմամբ, ինչպես նաեւ կդիտարկի քաղաքացիների փաստաթղթերի փոփոխման մասին դիմումները:
Տվյալ որոշումը կայացվել է Գլխավոր դատախազության, առողջապահության, արդարադատության եւ ներքին գործերի նախարարությունների խորհրդակցության արդյունքում: Կողմերը եզրակացության են եկել, որ Իսրայելը պետք է հետեւի միջազգային փորձին, ըստ որի՝ բազում առաջադեմ պետություններ թույլ են տալիս իրենց քաղաքացիներին անձնագրում փոխել սեռը՝ առանց վիրահատության ենթարկվելու:
Հարցը կտրուկ է դրվել Իսրայելի Գերագույն դատարանում վեջերս տեղի ունեցած դատից հետո, որը շահել են երկու տրանսսեքսուալներ: Կանայք բողոքել են ՆԳՆ-ից՝ առանց վիրահատության անձնագրում սեռը փոխելն արգլելու համար: Արդյունքում դատարանը նրանց թույլատրել է փոխել անունն ու ազգանունը, սակայն ոչ սեռը, քանի որ այդ պահին դա արգելված էր երկրի օրենսդրությամբ, փոխանցում է Informing-ը:
Խնդրի լուծման հարցում ակտիվ մասնակցություն է ունեցել ՑԱԽԱԼ-ը: Պարզվել է, որ տրանսգենդեր կանանցից մեկը վերջերս բանակում է ծառայել, սակայն հարկադրված է եղել հրաժարվել ծառայությունից, քանի որ ստիպված է եղել ծառայել տղամարդկանց զորամասերում եւ տղամարդու համազգեստ հագնել:
ՑԱԽԱԼ-ը երաշխավորել է, որ կաջակցի սեռը փոխել ցանկացողներին՝ նրանց համար հատուկ հորմոնային բուժում ապահովելով եւ տեղափոխելով այն զորամասեր, որտեղ իրենք իրենց հարմարավետ կզգան:
