Արտասահմանի մասին ՌԴ արտգործնախարար Սերգեյ Լավրովի բանաստեղծությունները չորեքշաբթի տպագրվել են «Ռուսկի պիոներ» ամսագրում։

«Դիվանագետը արտասահմանի մասին կարող է շատ երկար պատմել՝ չխորանալով դիվանագիտական խոհանոցի գաղտնիքների մեջ։ Սակայն դա դիվանագիտական առօրյայի մասին պատմող արձակ կլինի»,- գրել է  նախարարը  պարբերականի սյունյակում՝ հավելելով, որ այս կապակցությամբ նա որոշել է իր մտքերն արտահայտել պոեզիայով՝ «ցույց տալու համար, թե արտասահմանի թեման ինչպես է ընկալվում իմ սերնդակիցների կողմից քաղաքացիական պոեզիայի ձեւավորման տարբեր փուլերում»։

Ամսագիրը տպագրել է Լավրովի 3 բանաստեղծությունները։ Նրանցից առաջինը գրվել է 1995թ. երբ, հեղինակի խոսքով, թվում էր՝ ողջ երկիրը մեկնում է արտասահման։

Մյուս երկու բանաստեղծությունները, ըստ հեղինակի, նվիրված են իր ընկերոջը։

Սրանցից առաջինը գրվել է 1989թ. Նյու Յորքում, երբ Լավրովն աշխատում էր ՄԱԿ-ում  ԽՍՀՄ մշտական ներկայացուցչությունում։  Իսկ երկրորդ՝ 1996թ. արդեն Ռուսաստանում, երբ Լավրովն ավարտել էր արտասահմանյան իր առաքելությունը։