նախընտրելի դարձնել
Սեւանա լճի ափով Լեռնային Ղարաբաղի ուղղությամբ գնացող մայրուղին պետք է վերանորոգել: Այս մասին NEWS.am-ի թղթակցին հայտարարեց Գեղարքունիքի մարզպետ Ռաֆիկ Գրիգորյանը:
Նա նշեց, որ Վարդենիս-Մարտակերտ մայրուղու հատվածը Հայաստանի տարածքում արդեն վերանորոգվել է, եւ ավարտին են հասցվել ասֆալտապատման հողային աշխատանքները:
Քանի որ երկու հանրապետությունների միջեւ երթեւեկության հիմնական հոսքը ամենայն հավանականությամբ նոր ճանապարհով է անցնելու, առաջանում է Վարդենիս-Սեւան հատվածի մոդերնիզացման հարցը, քանի որ ներկայիս վիճակում այդ մայրուղին պիտանի չէ նման երթեւեկություն ապահովելու համար, պարզաբանեց Գրիգորյանը:
ՀՀ Գեղարքունիքի մարզպետարանի արտագնա նիստում քննարկվել է հիմնական մայրուղին Սեւանի հարավային ափի փոխարեն հյուսիսային ափով՝ Շորժայի տարածքով, անցկացնելու հարցը: «Ե՛վ կարճ կլինի, եւ՛ այդ ափը կսկսի զարգանալ: Այնտեղ խոշոր քաղաքներ եւ մեծ շարժ չկա: Կարծում եմ, այդպես շատ ճիշտ կլինի, բաց դեռեւս ամեն ինչ քննարկումների փուլում է: Անհրաժեշտ է նաեւ ճանապարհային աշխատանքների նախահաշիվը»,- պարզաբանել է նահանգապետը:
