Նախընտրելի
ԱՄՆ նախագահ Բարաք Օբաման մտադիր է երկարաձգել ամերիկյան ներկայությունն Աֆղանստանում։ Լրատվամիջոցների տվյալներով, ամերիկացի առաջնորդն այդ թեմայով պաշտոնական հայտարարություն է անելու։
Ինչպես հայտնել է վարչակազմի ներկայացուցիչը, որի խոսքերն է մեջբերում Fox News-ը, Օբաման մտադիր է 2016-ի մեծ մասում պահպանել զինվորականների առկա քանակը՝ 9,8 հազար մարդ, իսկ հետո՝ 2017-ին աստիճանաբար կրճատել մինչեւ 5,5 հազար մարդու։ Դեռեւս չի ճշտվում, թե ամերիկացի զինվորականները մինչեւ երբ կմնան Աֆղանստանում, տեղեկացնում է «Ինտերֆաքսը»:
Ավելի վաղ ենթադրվում էր, որ մինչեւ տարեվերջ Աֆղանստանից դուրս կբերվի ամերիկացի զինվորների մեծամասնությունը, այնպես որ այնտեղ զինվորականների ընդամենը մի փոքրիիկ խումբ կմնա, որոնք կզբաղվեն դեսպանատան պաշտպանությամբ:
Ինչպես նշում են ԱՄՆ-ի ներկայացուցիչները, այդ հարցում դիրքորոշման փոփոխությունը բացատրվում է իսլամական «Թալիբան» շարժման ներկայացրած սպառնալիքի մեծացմամբ։
