Կրեմլը ցավում է, որ Լոնդոնը հրաժարվում է որեւէ երկխոսությունից եւ հայտարարում է, որ շփումների վերսկսման առումով  «գնդակը բրիտանական գործընկերների դաշտում է»: Այդ մասին հայտնել է ՌԴ նախագահի մամուլի քարտուղար Դմիտրի Պեսկովը: 

«Իհարկե քաղաքական երկխոսությունը սառած վիճակում է, եւ Ռուսաստանը չէ այդ սառեցման նախաձեռնողը», - ասել է նա:

 Նրա խոսքով, Մոսկվան համարում է, որ  «մեր առջեւ կանգնած մարտահրավերներին, այն է՝ ահաբեկչությանը, անդրսահմանային հանցագործություններին դիմակայելու համար անհրաժեշտ է համագործակցել եւ դա երկկողմ փոխգործակցություն է պահանջում»:

«Սակայն Մեծ Բրիտանիան արդեն բավականին վաղուց հրաժարվել է որեւէ շփումից եւ սառեցրել է քաղաքական երկխոսությունը: Մենք ցավում ենք այդ կապակցությամբ», - արձանագրել է Կրեմլի ներկայացուցիչը, փոխանցում է ՏԱՍՍ-ը:

Նա հիշեցրել է, որ «Ռուսաստանը բոլոր մակարդակներում հայտարարել է բոլոր երկրների հետ իրավահավասար եւ փոխշահավետ հարաբերություններ զարգացնելու իր հետաքրքրության մասին…  Բայց այս պահին գնդակը մեր բրիտանացի գործընկերների դաշտում է»: