նախընտրելի դարձնելՇվեյցարական ժամացույցների TAG Heuer ապրանքանիշը եւ մարզական մեքենաների իտալական արտադրող Abarth-ը համատեղ Abarth 595 Competizione TAG Heuer նմուշ են թողարկել: Fiat 500-ի հիմքի վրա ստեղծված ավտոմեքենայի թողարկման առիթով ապրանքանիշը թողարկել է բացառիկ դրվագմամբ TAG Heuer Carrera խրոնոգրաֆը, տեղեկացնում է Lenta-ն:
Ավտոմեքենայի երկդռնանի թափք-հեչբեքը մշակվել է միլանյան Garage Italia Customs թյունինգի արհեստանոցում: Շարժիչի հզորությունը կազմում է 180 ձիաուժ: Սրահում ալյումինե իդենտիֆիկացիոն պանել է տեղադրված` TAG Heuer Limited Edition, TAG Heuer –ի լոգոտիպն օգտագործվել է նաեւ ձեւավորման այլ դետալներում: Մոդելը թողարկվել է 30 օրինակից, որոնք կվաճառվեն Բելգիայում` 27 790 եվրո գնով եւ Լյուքսեմբուրգում` 26 871 եվրո գնով: Արդյոք մեքենան մատչելի կլինի այլ երկրներում, չի հաղորդվում:
