նախընտրելի դարձնել
Հնդկական Mahindra & Mahindra ընկերությունը ներկայացրել է կուպեանման թափքով կոնցեպտուալ ամենագնաց: XUV Aero անվանումը ստացած նախատիպը կներկայացվի Նյու Դելիի Auto Expo ավտոսալոնում:
Նորույթը մշակվել է Մումբայի դիզայներական կենտրոնի մասնագետների կողմից, որոնք «քաղաքային մեքենայի մեջ մարմնավորել են վագրակատվի ոգին»:
Ամենագնացը կառուցել են դիմահաղորդչային հարթակի վրա, որն ընկած է սերիական XUV 500 ամենագնացի հիմքում: Նախատիպը համալրել են «նոր սերնդի» տուրբոշարժիչով, որը 210 ձիաուժ է զարգացնում: Նորույթն ի վիճակի է վեց վայրկյանից պակաս ժամանակում զրոյից մինչեւ 96 կմ/ժ արագություն զարգացնել, տեղեկացնում է Motor-ը:
XUV Aero-ն հարմարեցվող կախոց է ստացել աշխատանքի չորս ռեժիմներով` Street, Sport, Race եւ Off-Road:
Ամենագնացի սալոնում կաշվե նստատեղեր են տեղադրվել, թվային սարքատախտակ, ինչպես նաեւ մետաղական եւ կարբոնային դեկորատիվ ներդիրներ: Բացի այդ, կոնցեպտը լրիվ նոր մուլտիմեդիական համալիր է ստացել:
Սերիական XUV Aero-ի ստեղծման մասին առայժմ չի հաղորդվում: Նման ապրանքային ավտոմեքենան կարող էր Mahindra XUV 500 մոդելից մեկ աստիճանով ավելի բարձր տեղ զբաղեցնել:
