նախընտրելի դարձնել
Հայաստանի Գյուղատնտեսության նախարարությունը ֆերմերներին ցրտահարությունների մասին զգուշացնող sms-հաղորդագրություններ է ուղարկել: Այդ մասին խորհրդարանում կառավարական ժամի ընթացքում հայտնել է հանրապետության գյուղատնտեսության նախարար Սերգո Կարապետյանը` պատասխանելով «Բարգավաճ Հայաստանից» պատգամավոր Լյովա Խաչատրյանի հարցին:
Արդեն 4-5 օր է` նախարարությունը զբաղված է ֆերմերներին տեղեկացնելով: Ֆերմերներին արդեն տեղեկատվական ձեռնարկներ են բաժանվել այգիներում պաշտպանական աշխատանքի վերաբերյալ:
Ֆերմերներին խորհուրդ է տրվում ծխահարել պտղատու այգիները (ավելի վաղ դրա համար խորհուրդ էին տալիս դեն չնետել կտրված ճյուղերը): Իսկ այնտեղ, որտեղ հնարավոր է, այգիները պիտի առատորեն ջրվեն, հավելել է նախարարը:
«Այդ նպատակով նախարարությունը գումար չի գանձի վարարաջրերով ոռոգման համար», - հիշեցրել է նա:
