նախընտրելի դարձնել
Guccifer 2.0 ցանցահենը պատասխանատվություն է ստանձնել ԱՄՆ-ի Դեմոկրատական կուսակցության ազգային կոմիտեի ցանցը կոտրելու համար: Այդ մասին նա գրել է Wordpress-ի իր բլոգում: Փաստաթղթերի մեծ մասը, ցանցահենի խոսքով, փոխանցվել է WikiLeaks նախագծին:
Գրառումն ուղեկցվում է Դոնալդ Թրամփի մասին զեկույցով, որը նախապատրաստել էին դեմոկրատները: Չարամիտն ընդգծել է, որ դա ընդամենը մի փոքր մասին է այն ամենի, ինչ ներբեռնել է ԱՄՆ-ի Դեմոկրատական կուսակցության ցանցից:
Գրառման հեղինակն իր կեղծանունով հղում է կատարել ռումինացի ցանցահեն Guccifer-ին, որը 2016-ի մայիսին կոտրել էր Դեմոկրատական կուսակցությունից ԱՄՆ-ի նախագահի թեկնածու Հիլարի Քլինթոնի փոստարկղը: «Guccifer-ը գուցե առաջինն էր, որը ներթափանցել է Հիլարի Քլինթոնի եւ այլ դեմոկրատների փոստարկղ: Բայց իհարկե նա վերջինը չէր», — նշել է Guccifer 2.0-ն:
Ակնկալվում է, որ տեղեկատվությունը մոտ ժամանակներս կհրապարակվի WikiLeaks-ում, հայտնում է Gazeta-ն:
