նախընտրելի դարձնելԵրկրաբանները նոր ճաք են հայտնաբերել անտարկտիդյան Լարսենի շելֆային սառցադաշտում։ Այն մոտ 10 կմ հեռավորության վրա է գտնվում մեկ այլ ճաքից, որը հայտնաբերվել էր 2016-ի դեկտեմբերին։ Գիտնականները համարում են, որ ի վերջո սառցադաշտը «կսահի» օվկիանոսի մեջ՝ գոյացնելով հսկայական սառցաբեկոր, հայտնում է Gizmodo–ը։
Նոր ճաքը հիմնական ճաքի ճյուղավորումն է, որի երկարությունը կազմում է 160 կմ։ Գիտնականները անցած տարվա դեկտեմբերից հետեւում էին այդ ճաքին, սակայն 2017-ի փետրվարից դրա երկարությունը չի փոխվել, չնայած լայնությունը շարունակել է ավելանալ։ Նոր ճյուղի հայտնվելը, որը դեպի օվկիանոս է ուղղված, վկայում է այն մասին, որ ապագայում սառցադաշտից կկտրվի մոտ հինգ հազար քառ կմ մակերեսով կտոր։
Հայտնագործությունն արվել է երկու Sentinel-1 արբանյակների օգնությամբ, որոնք ռադիոտեղորոշիչ լուսանկարներ են արել։
Հսկայական սառցաբեկորի հայտնվելուց ծովի մակարդակը չի բարձրանա, սակայն սառցադաշտի քայքայումը կարագանա։ Հիմնական պատճառը, ըստ հետազոտողների, Երկրի կլիմայի փոփոխությունն է։
