նախընտրելի դարձնելՉինաստանի Շանդուն նահանգի ոստիկանությունը ձերբակալել է դամբարանների 22 կողոպտիչների եւ առգրավել 229 անտիկ իրեր, հայտնում է «Սինհուան»:
Հաղորդվում է, որ ձերբակալվածները, ենթադրաբար, պատկանել են 2 խմբավորումների, որոնք Թենչժոու գավառի Դահան հնավայրում, որտեղ դամբարանների փլատակներ կան, ապօրինի պեղումներով են զբաղվում:
Առգրավված առավելապես բրոնզից եւ նեֆրիտից պատրաստված արտեֆակտների թվում են 54 իրեր, որոնք մտնում են երկրի մշակութային ժառանգության մեջ:
Ոստիկանության ներկայացուցիչը նշել է, որ դամբարանների կողոպտիչները պեղումներին ներգրավել են հնությունների մասնագետի, որը նախկինում ժամանակավորապես աշխատել է հնագիտության ինստիտուտում եւ ծանոթ է հնագույն դամբարանի կառուցվածքին:
Եվս ավելի քան 10 կասկածյալներ դեռեւս ազատության մեջ են, գործով հետաքննությունը շարունակվում է:
