նախընտրելի դարձնելՄալայզիայի կառավարությունը համաձայնել է վերսկսել 2014 թվականի մարտին անհետ կորած Boeing MH370 ինքնաթիռի որոնումները։ Որոնումները կիրականացվեն ամերիկյան ընկերության կողմից։ Այս մասին հաղորդում է ABC ավստրալական հեռուստաալիքը։ Հունվարի կեսերին պաշտոնապես դադարեցվել են 2014 թվականին կորած մալայզիական Boeing MH370– ի որոնումները։ Ավելի ուշ Մալայզիայի կառավարությունը անհատ մարդկանց և կազմակերպություններին թույլ է տվել մնացորդների որոնումներ իրականացնել։ Հեռուստաալիքը, վկայակոչելով ինքնաթիռի ուղևորների հարազատներին Մալայզիայի իշխանությունների ուղարկած իրենց ծանուցումը, Չինաստանի և Ավստրալիայի իշխանությունների հետ համատեղ որոնողական խումբը գնահատել է մի քանի ընկերության առաջարկները։
«Մալայզիայի կառավարությունը որոնողական խմբին թույլատրել է քննարկել համագործակցության ծրագրերը Ocean Infinity ընկերության հետ»,– մեջբերում է հեռուստաալիքը։ Կառավարությունը խոստանում է որոնողական աշխատանքների պաշտոնական վերսկսման մասին հայտարարել բոլոր հարազատներին տեղեկացնելուց հետո։
