նախընտրելի դարձնել
Ալեքսանդր Ռար. 2010 թվականը Հարավային Կովկասի համար լճացման տարի էր
Հարավային Կովկասի համար 2010 թվականը առանձնապես ոչ մի նոր բան չբերեց: Այդ մասին NEWS.am-ի թղթակցի հետ զրույցում հայտարարեց Գերմանիայի Արտաքին քաղաքականության խորհրդի Ռուսաստանի եւ ԱՊՀ երկրների հետազոտական ծրագրերի տնօրեն Ալեքսանդր Ռարը:
«Մեծ հույսեր էին կապում ԵԱՀԿ գագաթաժողովի հետ, շատերը կարծում էին, թե Ղազախստանի նախագահը կկարողանա նոր շունչ տալ այդ կազմակերպությանը, սակայն դա անել չհաջողվեց: Ոչ մի առաջընթաց չկա Աբխազիայի, Լեռնային Ղարաբաղի, Ռուսաստան - Եվրամիություն բանակցություններում: Իրավիճակը որոշակի լճացում է հիշեցնում», - նշեց Ռարը:
2011 թվականի մասին խոսելով` Ռարը սպասվող ամենանշանակալի իրադարձություն համարեց Nabucco նախագծի վերաբերյալ վերջնական որոշման ընդունումը:
«Եվրամիությունը մտադիր է 2011-ին վերջակետ դնել այդ հարցին: Այդ որոշումը զգալիորեն կանդրադառնա Հարավային Կովկասի վրա: Մեծ դեր կխաղան Nabucco-ի շուրջ ձեւավորվելիք քաղաքական միությունները, որոշումներն ու պայմանավորվածությունները, որոնք մեծ արձագանք կունենան Հարավային Կովկասում», - կարծում է Ռարը:
Փորձագետի ամանորյա մաղթանքները Հայաստանին եւ Ադրբեջանին.
«Հայերին կմաղթեմ, որ բարդ աշխարհաքաղաքական իրավիճակում պահպանեն ավանդույթնները, դիրքորոշումը եւ կարողանան դրսեւորվել դիվանագիտական ասպարեզում: Ադրբեջանցիներին կմաղթեմ հասկանալ, որ երկիրը հարստանում է նավթի եւ գազի շնորհիվ ու կարեւորը, որ պետությունն այդ միջոցները ներդնի զարգացման եւ միջազգային ասպարեզում իմիջի ամրապնդման մեջ», - եզրափակեց Ռարը:
