Ֆուտբոլային պատմության եւ վիճակագարության միջազգային ֆեդերացիան (IFFHS) ամփոփել է անցած տասնամյակի եւ 2010-ի ազգային առաջնությունների համաշխարհային դասակարգման աղյուսակները:

Անցած տասնամյակում ֆուտբոլի Հայաստանի Բարձրագույն խումբը ճանաչվել է աշխարհի 82-րդ առաջնությունը: Դասակարգման մեջ ընդգրկված է 122 երկրի առաջնություն: Տասնամյակի ուժեղագույն առաջնություն է ճանաչվել Անգլիայի Պրեմյեր լիգան:

Ըստ հերթականության` հաջորդ տեղերը տասնյակում զբաղեցրել են Իսպանիան, Իտալիան, Բրազիլիան, Գերմանիան, Արգենտինան, Ֆրանսիան, Հոլանդիան, Պորտուգալիան, Մեքսիկան,

Եվրոպայում Հայաստանի Բարձրագույն խումբը տասնամյակի 41-րդ առաջնությունն է: Ցուցակում ընդգրկված են 48 առաջնություններ: Հայաստանից թույլ են համարվել Իսլանդիայի, Բոսնիա-Հերցեգովինայի, Ադրբեջանի, Ուելսի, Ղազախստանի, Մալթայի եւ Լյուքսեմբուրգի առաջնությունները:

Տասնամյակի լավագույն եվրոպական լիգա է ճանաչվել Անգլիայի Պրեմյեր լիգան: Հաջորդ տեղերում են Իսպանիան, Իտալիան, Գերմանիան, Ֆրանսիան, Հոլանդիան, Պորտուգալիան, Թուրքիան, Հունաստանը, Բելգիան, Շոտլանդիան, Ռուսաստանն ու Ուկրաինան:

Ընթացիկ դասակարգման աղյուսակում Հայաստանի առաջնությունն աշխարհում 80-րդն է: Լավագույն տասնյակ է մտել Ուկրաինայի առաջնությունը:

Իսպանիա- 1092

Անգլիա-1039

Իտալիա-1021

Բրազիլիա-982

Գերմանիա-932

Ֆրանսիա-884

Արգենտինա-861

Պորտուգալիա-789,5

Հոլանդիա-787,5

Ուկրաինա-709