նախընտրելի դարձնելԱվստրիայի կանցլեր Սեբաստյան Քուրցը կարծում է, որ Եվրահանձնաժողովի ներկայացրած ԵՄ հեռանկարային բյուջեի նախագիծը, չնայած մի քանի դրական պահերի առկայությանը, ամենեւին ընդունելի որոշում չէ: Նա այսպիսի կարծիք է հայտնել Twitter-ի իր էջում, փոխանցում է ՏԱՍՍ-ը:
«Չնայած ԵՄ նոր բյուջեի վերաբերյալ Եվրահանձնաժողովի առաջարկը պարունակում է արդիականացման ճանապարհին մի քանի դրական քայլեր, ամենեւին ընդունելի որոշում չէ»,- գրել է Քուրցը՝ նշելով, որ Brexit-ից հետո ԵՄ-ն պետք է առավել տնտեսող եւ արդյունավետ լինի:
Der Vorschlag d EU-Kommission für ein neues EU-Budget hat zwar einige positive Ansätze für eine Modernisierung, ist aber weit von einer akzeptablen Lösung entfernt. Unser Ziel muss sein,dass die #EU nach dem #Brexit schlanker, sparsamer u effizienter wird! https://t.co/9YtdcTp7af
— Sebastian Kurz (@sebastiankurz) 2 мая 2018 г.
ԵՀ-ն չորեքշաբթի ԵՄ հեռանկարային բյուջեի նախագիծ էր ներկայացրել հաջորդ յոթամյա բյուջետային շրջանի՝ 2021-2027 թվականների համար, ԵՄ-ից Մեծ Բրիտանիայի դուրս գալուց հետո:
ԵՄ բյուջեն ավարտվող յոթամյա շրջանում՝ 2014-2020 թվականներին, կազմում է 1087 մլրդ եվրո, ըստ որում՝ 2021-2027 թվականների բյուջեի նախագծում Եվրահանձնաժողովը ցանկանում է այն մեծացնել մինչեւ 1279 մլրդ եվրո:
