նախընտրելի դարձնել
McLaren-ը ներկայացրել է 720S-720 S Spider-ի բաց տարբերակը, հաղորդում է Motor-ը:
Կուպեի համեմատ ռոդսթերը ծանրացել է ընդամենը 49 կգ-ով, ածխապլաստիկից տանիք ունի՝ տվյալ դասում վերափոխման ռեկորդային ժամանակով եւ ապակե հատվածներով յուրահատուկ հետեւի հենակներ:
Սուպերքարի քաշը 1332 կգ է, ինչը ընդամենը 49 կգ-ով ավելին է, քան կուպեի քաշը եւ 88 կգ-ով քիչ, քան «մերձավոր մրցակցի» զանգվածը: Հավանական է, որ խոսքը Ferrari 488 Spider-ի մասին է, որի քաշը 1420 կգ է:
«Սպայդերի» կոշտ կարբոնային տանիքը հագեցած է էլեկտրական շարժակով:
Ընկերությունում պնդում են, որ այն սուպերքարերի համար փոխակերպման ռեկորդային ժամանակ ունի՝ ընդամենը 11 վայրկյան, ինչը 6 վայրկյանով ավելի արագ է, քան 650S Spider-ը:
Բացի այդ, նրա մեխանիզմը երկու անգամ ավելի ցածր է, քան նախորդինը: Տանիքը կարելի է բացել եւ փակել մինչեւ 50 կիլոմետր արագության ժամանակ:
McLaren 720S Spider-ը հագեցած է նույն շարժիչով ինչ կուպեն՝ 4 լիտր տարողությամբ 720 ձիաուժով եւ 770 Հմ-ով:
Մեքենան տեղից 100 կմ/ժ արագության հասնում է 2.9 վայրկյանում, իսկ մինչեւ 200-ի՝ 7,9 վայրկյանում:
Սուպերքարի պատվերներն արդեն ընդունվում են: Սկզբնական գինը 237,000 ֆունտ սթերլինգ է:
