նախընտրելի դարձնել
Գերմանիայի իշխանությունները կկրճատեն Վենեսուելայի մայրաքաղաք Կարակասում իրենց դիվանագետների թիվը: Այս մասին հայտարարել է Գերմանիայի ԱԳՆ ներկայացուցիչ Ռայներ Բրոյլը, գրում է ՏԱՍՍ-ը:
«Բարդ պայմանների, անվտանգության հետ կապված իրավիճակի հետագա վատթարացման կապակցությամբ Գերմանիայի ԱԳՆ-ն որոշում է ընդունել կրճատել Կարակասում դեսպանատան անձնակազմի թիվը», - ասել է նա՝ չմանրամասնելով, թե որքանով կկրճատվի աշխատակիցների թիվը:
«Կարակասում մնացող աշխատակիցները ըստ հնարավորության կշարունակեն օգնել Վենեսուելայում Գերմանիայի քաղաքացիներին», - հավելել է Բրոյլը:
Ավելի վաղ Վենեսուելայի իշխանությունները անցանկալի անձ էին հայտարարել Գերմանիայի դեսպան Դանիել Կրիներին՝ «երկրի ներքին գործերի միջամտության պատճառով»: Գերմանիայի ԱԳ նախարար Հայկո Մաասը այդ կապակցությամբ որոշում էր ընդունել Կրիներին հետ կանչել հայրենիք խորհրդակցությունների համար: Նա արդեն ժամանել է Գերմանիա:
