նախընտրելի դարձնել
ԱԳ նախարար Էդվարդ Նալբանդյանը մարտի 4-ին ընդունել է եվրոպական մի շարք հեղինակավոր լրատվամիջոցների թղթակիցների, ովքեր Երեւանում են ԵՄ պատվիրակության հրավերով: NEWS.am-ին այս մասին հայտնեցին ԱԳՆ մամուլի ծառայությունից։
Հանդիպման ժամանակ Էդվարդ Նալբանդյանը եվրոպական 15 երկրներից ժամանած լրագրողներին ներկայացրել է Հայաստանի արտաքին քաղաքականության հիմնական ուղղություններն եւ առաջնահերթությունները, դիրքորոշումները միջազգային եւ տարածարաշրջանային խնդիրների վերաբերյալ:
Ներկաների խնդրանքով Հայաստանի արտաքին քաղաքական գերատեսչության ղեկավարը ներկայացրել է արցախյան հիմնախնդրի կարգավորման գործընթացի ներկա վիճակն ու հակամարտության հանգուցալուծման գործընթացի հեռանկարները:
