Գյումրիի ոստիկանները մարտի 14-ին թմրամիջոց պատրաստելու, պահելու  եւ իրացնելու կասկածանքով, Գյումրիի տներից մեկից բերման են ենթարկել նախկինում դատապարտված, 44-ամյա Արտավազդ Մ.-ին:

Ոստիկանության մամուլի ծառայությունից NEWS.am-ին հայտնում են, որ զննությամբ նշված տնից հայտնաբերվել են տարբեր տարաներ՝ յուրահատուկ հոտով հեղուկներով, ներարկիչներ եւ «կաֆետին»  դեղամիջոցի տուփ:

Արտավազդ Մ.-ն հայտնել է, որ հայտնաբերվածը թմրամիջոց է, որը  պատրաստել է իր օգտագործման համար:

Նշանակվել է փորձաքննություն: Կատարվում է քննություն: