նախընտրելի դարձնել
Բրազիլիայի կառավարությունը Երեւանում իր դեսպանության միջոցով Հայաստանի կառավարությանը կնվիրաբերի ավելի քան 80 հազար դոլլարի արժողությամբ սարքավորումներ, ինչպես նաեւ մեկ արտաճանապարհային մեքենա:
Բրազիլիայի դեսպանատան մամուլի ծառայությունից NEWS.am-ին հայտնում են, որ այդ սարքավորումները նախատեսված են Բնապահպանության նախարարության վտանգավոր եւ թունավոր նյութերի վերահսկման լաբորատորիայի համար:
Նվիրատվությունը Բրազիլիայի կառավարության Հումանիտար Օգնության ծրագրի մաս է՝ ի պատասխան ՀՀ կառավարության միջազգային օգնության խնդրանքի Նուբարաշենի թունաքիմիկատների եւ այլ թունավոր թափոնների վայրում վնասի վերահսկման գործողությունների վերաբերյալ:
Արարողությունը տեղի կունենա մարտի 18-ին՝ Բնապահպանության նախարարությունում:
