նախընտրելի դարձնել
ԿԺԴՀ Ասիա-Խաղաղօվկիանոսյան տարածաշրջանում խաղաղության համար կոմիտեի մամուլի քարտուղարը քննադատել է Ճապոնիայի վարչապետ Սինձո Աբեի՝ Հյուսիսային Կորեայի նախագահ Կիմ Չեն Ընի հետ հանդիպելու ցանկությունը, հաղորդում է «Ինտերֆաքսը»:
«Աբեի թիմը խոսում է բարձր մակարդակով առանց նախապայմանների բանակցելու պատրաստակամության մասին, միեւնույն ժամանակ անմտորեն վնաս պատճառելով ԿԺԴՀ-ին, ինչը անամոթության գագաթնակետ է», - ասել է կոմիտեի ներկայացուցիչը:
Նա նշել է Ճապոնիայի արտաքին գործերի նախարար Թարո Կոնոյի վերջին հայտարարությունը, որում նշվում է, որ միջազգային հանրությունը կչեղարկի Հյուսիսային Կորեայի դեմ պատժամիջոցները, եթե Փհենյանը ճիշտ որոշում կայացնի:
«Չնայած նրան, որ Ճապոնիայում չկա ընդունակ մարդ, ափսոս, որ նման սուր եւ տհաճ դիմագծերով ցարծահասակ արարածն, ինչպիսին Կոնոն է, որը միշտ անզգույշ եւ տհաճ նկատողություններ է անում, ԱԳ նախարար է», - ասել է մամուլի քարտուղարը:
Նա հավելել է, որ անիմաստ է բարձրաձայնել հարաբերությունների բարելավման մասին, եթե Ճապոնիան չհրաժարվի իր «վատ բնավորությունից»:
Մայիսի սկզբին Ճապոնիայի վարչապետը Sankei Shimbun թերթին տված հարցազրույցում ասել էր. «Մենք չենք կարող կոտրել Ճապոնիայի եւ Հյուսիսային Կորեայի միջեւ փոխադարձ անվստահության մթնոլորտը, եթե ես չհանդիպեմ Կիմ Չեն Ընի հետ: Ես կցանկանայի նրա հետ հանդիպել առանց նախապայմանների եւ անկեղծ զրուցել»:
