Գյումրիի` մոտ կեսդարյա պատմություն ունեցող անտառտնտեսության վերահսկողության տակ գտնվող ընդհանուր հողային տարածքը նախկինում  6000 հեկտարից ավելի էր, այնինչ հիմա ընդգրկում է մոտ 4 400 հեկտար տարածք:

Գյումրիի անտառտնտեսության մասնագետ Աշոտ Վալեսյանը NEWS.am-ի թղթակցի հետ զրույցում նշել է, որ նախկինում` մինչերկրաշարժյան տարիներին կատարված ծառատունկի աշխատանքները, ֆինանսատնտեսական պայմանների վատթարացման հետ կապված, դադարեցվել էին եւ միայն անցած  երկու տարիներին է շարունակվել:

2009 թվականին Գյումրիում եւ նրան հարակից տարածքներում ծառատունկ է կատարվել 70 հեկտար տարածքի վրա, իսկ 2010-ին` 25 հեկտար: Նրա հավաստմամբ,  ծառահատումների  հետ կապված օրինախախտման դեպքերը հասցվել են նվազագույնի:  Մասնագետն ավելացնում է, որ նոր տնկված ծառերի խնամքի աշխատանքների համար անհրաժեշտ  ֆինանսական հատկացումներ դեռ չկան, սակայն դրա անհրաժեշտությունը շատ  մեծ է: