նախընտրելի դարձնել
Մալայզիայի գերագույն կառավարիչ Աբդուլլա Ռիաայատուդդին Ալ-Մուստաֆա Բիլլահը թագադրվել է Կուալա Լումպուրում գտնվող պաշտոնական միապետական նստավայրում, հաղորդումէ Bernama-ն:
Թագադրված կառավարիչը Իիր խոսքում խոստացել է ջանքեր գործադրել Մալայզիայի բոլոր քաղաքացիների միասնությունը ամրապնդելու համար՝ անկախ էթնիկական եւ կրոնական պատկանելիությունից:
«Ես մարդկանց բարեկեցությունն ամեն ինչից վեր կդասեմ», - ընդգծել է միապետը:
Նոր թագավորին երդում է տվել Մալայզիայի վարչապետ Մահաթհիր Մոհամադը:
«Հավաստիացնում եմ ձերդ Մեծությանը, որ Մալայզիայի կառավարությունը երբեք կանգ չի առնի ձեռք բերված արդյունքների վրա», - ասել է վարչապետը:
Հունվարի 31-ին Աբդուլլա Ռիաայատուդդին Ալ-Մուստաֆա Բիլլահը երդում էր տվել որպես Մալայզիայի միապետ՝ փոխարինելով գահից հրաժարված թագավոր Մուհամմադ 5-րդին:
Մալայզիայի ԶԼՄ-ների հաղորդմամբ՝ նախորդ թագավորը ստիպված էր Կառավարիչների խորհրդի ճնշման տակ թողնել գահը, որոնք հավանություն չէին տվել ռուս Օքսանա Վոեվոդինայի հետ նրա հարսանիքը:
