նախընտրելի դարձնել
ԱՄՆ-ի և Մեծ Բրիտանիայի միջև ցանկացած առևտրային գործարք ԱՄՆ-ի Կոնգրեսի կողմից փաստացի կարգելափակվի, եթե բրեքսիտն ազդի Իռլանդիայի սահմանի վրա և սպառնա Հյուսիսային Իռլանդիայում խաղաղությանը, նախազգուշացրել են ԱՄՆ կոնգրեսականներն ու դիվանագետները, գրում է The Guardian-ը:
Հրատարակությունը նշում է, որ Բրիտանիայի վարչապետ Բորիս Ջոնսոնը ԵՄ-ից դուրս գալու դեպքում ԱՄՆ հետ առեւտրային գործարքը ներկայացրել է որպես տնտեսական ծախսերը փոխհատուցելու միջոց, իսկ ԱՄՆ նախագահ Դոնալդ Թրամփը խոստացել է, որ երկու երկրները «շատ կարեւոր առեւտրային համաձայնագիր կկնքեն», որը «4-5 անգամ» կմեծացնի առեւտրաշրջանառությունը:
Այնուամենայնիվ Թրամփին չի հաջողվում թշնամաբար տրամադրված Կոնգրեսում առաջ տանել այդ համաձայնագիրը, որտեղ ուժեղ քննադատական վերաբերմունքի կլինի Բրիտանիայի հետ ցանկացած առեւտրային գործարքի նկատմամբ, եթե այն սպառնա Բելֆաստի համաձայնագրին կամ Հյուսիսային Իռլանդիայի հետ բաց սահմաններին:
