Կինը, որը ներկայացել է որպես արաբ արքայադուստր, կասկածվում է Փարիզի ոսկերչական խանութից1.6 մլն եվրոյի զարդերի գողության մեջ: Այս մասին հայտնել է Agence France-Presse-ը (AFP)՝ վկայակոչելով աղբյուրին:

Նրա հաղորդմամբ՝ դեպքը տեղի է  ունեցել երեքշաբթի՝ տեղական ժամանակով  մոտ 21:00-ին Սենտ Օնորե փողոցում գտնվող ոսկերչական խանութներից մեկում:

Բուտիկում անցկացված մեկ ժամ անց «կեղծ արքայադուստրը» առանձնացրել է մի քանի զարդ, որոնք նա խոստացել է վճարել հաջորդ օրը բանկային փոխանցման միջոցով:

Մի քանի օր անց խանութի աշխատակիցները, այդպես էլ չստանալով խոստացված գումարը բացել են զարդատուփերը եւ զարդերի փոխարեն շոկոլադե կոնֆետներ հայտնաբերել:

Փարիզի ոստիկանությունը գողության փաստի կապակցությամբ  հետաքննություն է սկսել: