Նախընտրելի
Պետեկամուտների կոմիտեի աշխատակիցները Բագրատաշենի մաքսակետում օրերս կանխել են ավտոպահեստամասերի ապօրինի ներկրման փորձը:
ՊԵԿ-ի մամուլի ծառայությունից NEWS.am-ին հայտնում են, որ նախաբացթողումային հսկողության վարչության աշխատակիցները, մաքսային զննման ժամանակ, պարզել են, որ Վրաստանի քաղաքացի Միքայել Ղուշչյանը, մաքսային հսկողությունը շրջանցելով, փորձել է Հայաստան բերել ավտոմեքենայի` ռուսական արտադրության մոտ 1500 էլեկտրական մոմիկ: Թեպետ վարորդը մաքսային ծառայության աշխատակցի բանավոր հարցմանը վստահեցրել է, որ հայտարարագրման ենթակա ապրանք ավտոմեքենայում չկա, սակայն մաքսային զննման ժամանակ բացահայտվել է խնամքով պահված թաքստոցը: Բեռը հնարամիտ օրինախախտը թաքցրել էր ավտոմեքենայի բեռնախցիկի պահեստային անվադողի համար նախատեսված վայրում:
Փաստի առթիվ կազմվել է համապատասխան արձանագրութուն:
