նախընտրելի դարձնել
Ամերիկյան հասարակական կազմակերպությունները ակտիվորեն աջակցել են Հոնկոնգ հատուկ վարչական շրջանում ագրեսիվ տրամադրված արմատականներին եւ ծայրահեղ բացասական դեր են կատարել անկարգությունների հրահրման հարցում։ Այս մասին երեքշաբթի օրը հրավիրած ճեպազրույցում հայտարարել է Չինաստանի ԱԳՆ պաշտոնական ներկայացուցիչ Խուա Չունյինը, հայտնում է ՏԱՍՍ-ը։
Դիվանագետի խոսքերով՝ առաջիկայում ինքը լրագրողներին կպատմի Հոնկոնգում ամերիկյան ՀԿ-ների անընդունելի գործողությունների մանրամասները։
Ավելի վաղ Չունյինը հայտնել էր, որ Հոնկոնգում ժողովրդավարության եւ մարդու իրավունքների մասին ԱՄՆ-ի ընդունած օրենքին ի պատասխան՝ Չինաստանը սահմանափակման միջոցառումներ է մտցրել՝ դադարեցրել է ամերիկյան ռազմանավերի եւ ինքնաթիռների այցն այդ հատուկ շրջան եւ պատժամիջոցներ է սահմանել ԱՄՆ National Endowment for Democracy, International Republican Institute, Human Rights Watch, Freedom House եւ այլ ՀԿ-ների դեմ։
Դոնալդ Թրամփն անցյալ շաբաթ ստորագրել էր օրենք, որը ամերիկյան վարչակազմից պահանջում է Հոնկոնգում իրավիճակի մասին պարբերաբար հաշվետվություն ներկայացնել օրենսդիրներին եւ նախատեսում է պատժամիջոցների սահմանում այն անձանց հանդեպ, որոնք, ըստ Վաշինգտոնի, պատասխանատու են այդ ինքնավար շրջանում մարդու իրավունքների ոտնահարման համար։
