նախընտրելի դարձնել«Ես Ռոբերտ Քոչարյանի հետ երբեւէ ճանապարհ չեմ անցել, երբ նույնիսկ դրա հնարավորությունը կար, ոչ մի պաշտոն չեմ ստացել, փողային որեւէ հարաբերությունների մեջ չեմ մտել, նրա հետ ճանապարհ չեմ անցնի նաեւ այժմ»,- մայիսի 23-ի մամուլի ասուլիսի ժամանակ ասաց «Նոր ժամանակներ» կուսակցության նախագահ Արամ Կարապետյանը։
«Ռոբերտ Քոչարյանին Հայաստանի համար շատ մեծ չարիք եմ համարում, համարում եմ, որ այդ մարդը շատ լուրջ դերակատարություն է ունեցել Հայաստանում առկա իրավիճակի հարցում։ Բացի այդ, Քոչարյանը շատ մեծ դերակատաություն է ունեցել Սերժ Սարգսյանին իշխանության բերելու հարցում։ Մարտի 1-ին կրակելու հրաման տված Ռոբերտ Քոչարյանը պետք է մեկընդմիշտ հասկանա, որ քաղաքական դաշտ վերադառնալու իր բոլոր ճանապարհները փակ են»,- ընդգծեց Կարապետյանը։
Անդրադառնալով հարցին՝ հավատո՞ւմ է ինքը, որ ըստ շրջանառվող լուրերի՝ ՀՔԾ-ն մարտի 1-ի գործով հարցաքննության կկանչի Հայաստանի առաջին եւ երկրորդ նախագահներ Լեւոն Տեր-Պետրոսյանին եւ Ռոբերտ Քոչարյանին, ՆԺԿ ղեկավարը նշեց. «Բայց հարց է՝ մի՞թե 3 տարի ՀՔԾ-ն նրանց տեղը չգիտեր, մանավանդ Ռոբերտ Քոչարյանինը։ Թե՞ չգիտեր նաեւ Հայկ Հարությունյանի, Խաչատուրովի, Միքայել Հարությունյանի, Գորիկ Հակոբյանի տեղերը։ Նրանցից ո՞ր մեկն է հարցաքննվել։ Տիգրան Թորոսյա՞նն է հարցաքննվել։ Մարդն «Ազատություն» ռադիոկայանին ասում է բանակի մասին ոչինչ չեն իմացել։ Բա էդ մարդուն չե՞ք կանչում հարցաքննեք։ Այսինքն ի՞նչ, ստացվում է, որ Քոչարյանը երկրում զինվորական հեղաաշրջո՞ւմ է արել»,- հռետորական հարց հնչեցրեց Արամ Կարապետյանը՝ ավելացնելով, թե «մարդիկ իրենք իրե՞նց պիտի ձերբակալեն»։
