նախընտրելի դարձնելԲելառուսի նախագահ Ալեքսանդր Լուկաշենկոն հայտարարել է երկրում օտարերկրյա մի շարք լրատվամիջոցների, այդ թվում` ռուսաստանյան, փակման հնարավորության մասին:
«Ամենամեծ հիստերիան գալիս է ռուսաստանյան ԶԼՄ-ներից: Ես հետեւել եմ եւ մեր օտարերկյա ԶԼՄ-ներին, որոնք նախագահի վարչակազմի շնորհիվ այստեղ գերիշխող են դարձել, եւ արտասահմանյաններին», - ասել է Լուկաշենկոն տնտեսական հարցերին նվիրված խորհրդակցությանը, հաղորդում է ԻՏԱՌ-ՏԱՍՍ-ը:
Նրա խոսքով` հետո գալիս են «մեր լրատվամիջոցները, որոնք հրատարակվում են այստեղ»: «Չեմ ուզում անուններ նշել` նրանց համար վարկանիշ չստեղծելու համար», -ասել է Լուկաշենկոն` միաժմանակ ընդգծելով, որ «պետք է այնպես նաել, որ այդ լրատվամիջոցները մեր տարածքում ներկա չլինեն»:
Լուկաշենկոն սակայն նշել է, որ դա բացարձակապես չի նշանակում, որ իշխանությունները ցանկանում են նրանց բերանը փակել: «Բայց ես ուշադիր հետեւել եմ նրանց, եւ ողջ աժիոտաժը գալիս էր այդտեղից», - ասել է նա:
