Նախընտրելի
Սուդանը 335 միլիոն դոլարի փոխհատուցում է վճարել ահաբեկչությունների ամերիկացի զոհերին՝ այն գործարքի շրջանակներում, որը երկիրը հանել է ահաբեկչության պետական հովանավորների «սեւ ցուցակից»:
Անցումային կառավարությունը քաղաքացիական բնակչության աջակցությամբ միջոցներ է հատկացրել հարձակումներից փրկվածներին եւ զոհերի ընտանիքներին, ներառյալ 1998-ին Քենիայում եւ Տանզանիայում ԱՄՆ դեսպանատների ռմբակոծությունը «Ալ-Քաիդա»-ի կողմից, որին աջակցում էր այն ժամանակվա Սուդանի բռնապետը:
«Այն բանից հետո, երբ այս բարդ գործընթացը հետեւում է մնացել, ԱՄՆ-ի եւ Սուդանի հարաբերությունները կարող են նոր գլուխ սկսել»,- ասվում է ԱՄՆ պետքարտուղար Էնթոնի Բլինքենի հայտարարության մեջ: «Մենք անհամբեր սպասում ենք մեր երկկողմ հարաբերությունների ընդլայնմանը եւ Սուդանի ժողովրդին ազատություն, խաղաղություն եւ արդարություն բերելու քաղաքացիական ուժերի ղեկավարած անցումային կառավարության ջանքերին մեր աջակցությունը ցուցաբերելուն»:
Նախկին նախագահ Դոնալդ Թրամփը անցյալ տարի համաձայնել էր Սուդանը հանել «սեւ ցուցակից», բայց միայն այն բանից հետո, երբ Սուդանը ստորագրեց Իսրայելը ճանաչելու մասին համաձայնագիրը:
Անցյալ շաբաթ ԱՄՆ-ը հայտարարել էր, որ դա օգնել է Սուդանին ավելի քան 1 միլիարդ դոլարի վարկ ստանալ, ինչի շնորհիվ երկիրը կրկին Համաշխարհային բանկի եւ ԱՄՀ-ի կողմից աջակցություն ստանալու իրավունք ունի:
