Նախընտրելի
Ավելի քան 50 000 մարդ մասնակցել է առցանց ստորագրահավաքին՝ կոչ անելով ԱՄՆ առաջին տիկին Ջիլ Բայդենին վերադարձնել «երբեմնի փառքը» Սպիտակ տան Վարդագույն պուրակին:
Անցած տարի նախկին առաջին տիկին Մելանի Թրամփի որոշմամբ տեղափոխվել էին մի քանի ծառ եւ ծաղիկների մի մասը:
Նախագահները հաճախ օգտագործում են պուրակները ելույթների եւ մամուլի ասուլիսների համար: Չնայած ստորագրահավաքի տեքստում ասվում է, որ Թրամփը տեղափոխել է «բալի ծառերը, որոնք Ճապոնիայից նվեր էին», ամերիկյան ԶԼՄ-ները նշել են, որ իրականում դրանք խնձորենիներ էին, որոնք տեղափոխել են եւ տնկել այլ վայրում:
Ստորագրահավաքի կազմակերպիչները շարունակում են համոզել տիկին Բայդենին վերականգնել այգին, ինչպես դրա նախկին դիզայներ առաջին տիկին Ջեքի Քենեդիի օրոք էր:
Տիկին Քենեդին ղեկավարել էր պուրակի կապիտալ վերանորոգումը 1960-ական թվականներին:
