Իտալիայի հյուսիսում գտնվող Սուզա հովտում գերարագ երկաթուղային ճյուղի կառուցման դեմ հանդես եկող ցուցարարների եւ ոստիկանների բախման արդյունքում մոտ 200 մարդ է տուժել:

Ինչպես հաղորդում է «Ֆրանս պրեսը»-ը` տարբեր աստիճանի վնասվածքներ են ստացել առնվազն 188 իրավապահ եւ մոտ տասը ցուցարար:

Ըստ գործակալության` ոստիկանությունը կիրառել է արցունքաբեր գազ, իսկ ցուցարարները` քարեր եւ հրակայուն նյութերով շշեր:  Բացի այդ,  ցուցարարների մի ոչ մեծ խումբ փորձել է գրոհել այն տեղամասը, որտեղ կատարվում են թունելի  անցկացման նախապատրաստական աշխատանքները:

Ոստիկանությունն անկարգությունների  համար պատասխանատու է  համարել ձախ արմատական ուժերին:

Նշենք, որ  Փարիզ-Միլան գերարագ երկաթուղու կառուցման վերաբերյալ համաձայնագիրն Իտալիայի եւ Ֆրանսիայի միջեւ ստորագրվել էր 2001 թ-ին:  Շինարարական աշխատանքները պետք է սկսվեն 2013թ-ին: Շահագործումը նախատեսվում է 2023 թ-ին:

Սուզայի հովտի բնակիչները բողոքում են շինարարության դեմ` համարելով, որ այն լուրջ վնաս կհասցնի տարածաշրջանի էկոլոգիային: