նախընտրելի դարձնել
2018 թվականի ամռանը Նիկոլ Վովաեւիչը (Փաշինյան - խմբ.) թշնամի երկրի ղեկավարին խնդրել էր օգնել իրեն, չկրակել, որպեսզի Հայաստանի ներսում իրավիճակը հանդարտվի: Այս մասին սեպտեմբերի 1-ին NEWS.am-ի թղթակցի հետ զրույցում ասաց «Պատիվ ունեմ» դաշինքի խորհրդարանական խմբակցության քարտուղար Հայկ Մամիջանյանը։
«Չեմ զարմանա, եթե Սյունիքի մարզի համայնքների ղեկավարների հետապնդումների դեպքում տեղի է ունենում խնդրանքի իրականացում, բայց հակառակ տրամաբանությամբ»,- նշեց նա:
Նրա խոսքով՝ Հայաստանի իշխանությունները միացել են երկրի բոլոր արժանի եւ հայրենասեր այլախոհ քաղաքացիների դեմ:
«Սակայն իշխանությունները մինչ այժմ ընդդիմությանն իրենց արշինով են չափում եւ կարծում են, որ նման մեթոդներով կարող են մեզ ստիպել, որ մենք չներկայացնենք կատարվածի իրական պատկերը եւ չպայքարենք: Որքան շուտ նրանք հասկանան, որ նման կերպ մեզ հետ անհնար է պայքարել, այնքան լավ»,- հավելեց նա:
Հիշեցնենք, որ քրեական գործեր են հարուցվել Սյունիքի մարզի Սիսիան եւ Մեղրի համայնքների նախկին ղեկավարներ, «Հայաստան» դաշինքի պատգամավորներ Արթուր Սարգսյանի եւ Մխիթար Զաքարյանի, ինչպես նաեւ նույն դաշինքի պատգամավոր Արմեն Չարչյանի դեմ: Երեքն էլ ձերբակալվել են:
