Ճապոնական Ֆուկուսիմա նահանգից ոչ հեռու հուլիսի 13-ին 5,3 մագնիտուդով երկրաշարժ է տեղի ունեցել:

Ինչպես հաղորդում է ԻՏԱՌ-ՏԱՍՍ-ը, էպիկենտրոնը գտնվել է Խաղաղ օվկիանոսի ափամերձ հատվածում:  Ըստ ճապոնական ազգային օդերեւութաբանական վարչության` զոհեր եւ ավերածություններ չկան,  ցունամիի հնարավորության մասին նախազգուշացում չի արվել:

Վերջին օրերի ընթացքում սա արդեն երկրորդ երկրաշարժն է  Հոնսյու կղզում: Սեյսմոլոգների կանխատեսմամբ` տարածաշրջանում սեյսմիկ ակտիվությունը կպահպանվի առաջիկա 6-12 ամիսների ընթացքում: