Նախընտրելի
Ֆրանսիայի նախագահ Էմանուել Մակրոնը մեկնել է Միջերկրական ծովի ֆրանսիական ափ՝ ներքին անվտանգության խնդիրների քննարկման համար՝ կանգ առնելով Նիսում, որտեղ 2016 թվականին Բաստիլի գրավման օրը ծայրահեղականը բեռնատարով մխրճվել էր ամբոխի մեջ՝ սպանելով 86 եւ վիրավորելով հարյուրավոր մարդկանց, հայտնում է AP-ն։
Մակրոնը դեռ պետք է պաշտոնապես հաստատի, որ առաջադրվելու է այս տարվա գարնանը նախատեսված ընտրություններում երկրորդ ժամկետի համար, սակայն նրա այցը ֆրանսիական Ռիվիերա նախընտրական երանգ ուներ, քանի որ այն Վալերի Պեկրեսեի պատվարն է հանդիսանում, ում շատերը Մակրոնի ամենակարեւոր մրցակիցն են համարում:
Նա հանդիպել է իրավապահ մարմինների, դատական եւ քաղաքային պաշտոնյաների հետ՝ 2017 թվականին մեկնարկած անվտանգությանն առնչվող ծրագրերի առաջընթացը ստուգելու համար:
Սեպտեմբերին Մակրոնը հայտարարեց ոստիկանության թափանցիկության բարձրացմանն ուղղված միջոցառումների մասին, այդ թվում՝ ներքին հետաքննության զեկույցների հրապարակման եւ խորհրդարանական վերահսկողական մարմնի ստեղծման՝ վերջին տարիների սկանդալներից հանրային վստահության բարձրացման նպատակով:
